Jóga er gjöf sem heldur áfram að gefa.

Námskeið Andartaks á nýju ári:

Stærri en streitan:  8 vikna námskeið. Mánudaga kl 17.15. Námskeiðið er haldið í Bústaðakirkju. Einnig er hægt að taka þátt í gegn um netið. Hver tími er tekinn upp svo hægt er að iðka heima að vild á milli tíma.

Öndun, líkamlegar æfingar og hugleiðsla sem hjálpa líkamanum að losa um spennu, draga úr kvíða og auka innri vellíðan. Við vinnum í að styrkja tauga-, innkirtla og ónæmiskerfi og auka samhæfingu þeirra. Árangurinn er bættur svefn og aukinn  hæfileiki til að takast á við streitu á jákvæðan og uppbyggjandi hátt.  Nánar hér: Vertu stærri en streitan

Vökvaðu draumana þína. Grasið er alltaf grænna þar sem þú vökvar það. Hvað vilt þú vökva á nýju ári? Hálfsdags námskeið laugardaginn 15. janúar kl 9.30-13.30. Nánar hér: Vökvaðu draumana þína

Nýtt 6 vikna námskeið:  Mánudaga kl 17.15. Námskeiðið er haldið í Bústaðakirkju. Einnig er hægt að taka þátt í gegn um netið. Hver tími er tekinn upp svo hægt er að iðka heima að vild á milli tíma.

Öndun, líkamlegar æfingar og hugleiðsla sem hjálpa líkamanum að losa um spennu, draga úr kvíða og auka innri vellíðan. Við vinnum í að styrkja tauga-, innkirtla og ónæmiskerfi og auka samhæfingu þeirra. Árangurinn er bættur svefn og aukinn  hæfileiki til að takast á við streitu á jákvæðan og uppbyggjandi hátt.  

 Á námskeiðinu skoðum við hvernig við getum aukið lífsorku og gleði, ræktað með okkur kyrrð, hugrekki og seiglu og þannig orðið stærri en streitan. 

Nánar hér: Vertu stærri en streitan

Lífið er alltaf tilbúið í næsta skref

Breytingar eru óhjákvæmilegur hluti af lífinu. Við erum alltaf að takast á við breytingar. Stórar og smáar. Veðrið sem er sífellt að skipta um ham. Nýtt líf sem fæðist. Börnin okkar þroskast og stækka og verða að tilfinningaríkum unglingum. Við horfum á þau flytja að heiman og tökumst á við tómarúmið sem fylgir áður en við stígum inn í næsta kafla. Við horfum á okkar nánustu veikjast og deyja. Lífið heldur alltaf áfram og stöðvast ekki þó að við myndum stundum vilja að það stæði í stað. Lífið er alltaf tilbúið í næsta skref. Á eftir innöndun fylgir útöndun.

Pistillinn birtist í Mannlífi. Lesa allan pistilinn hér: Lífið er alltaf tilbúið í næsta skref

Nú er haustið að ganga í garð og lífið leitast við að finna taktinn að nýju. Kannski takt sem þú þekkir eða alveg nýjan takt. Nú eða gamlan takt sem þig langar að nálgast á nýjum nótum. Undanfarið ár hefur heldur betur kallað á nýja og skapandi nálgun á lífið fyrir okkur flest. Þar hefur reynt bæði á þolinmæði, sveigjanleika og ekki síst umburðarlyndi hvert gagnvart öðru. Það virðist ekki alveg séð fyrir endann á þeim lærdómsverkefnum. Haustið er sérstaklega góður tími til að endurskoða forgangsröðunina og finna hvernig áherslur við viljum hafa í lífinu hvað sem öðru líður. Jógaiðkun er dásamlegur stuðningur þegar kemur að því að takast á við lífið eins og það er, hverjar sem áskoranirnar eru. Við í Andartaki erum líka að finna okkar takt eftir sumarfríið og ný námskeið að hefjast í september

Nýtt námskeið hefst mánudaginn 13. september. Lífið í jafnvægi – ferðalag um orkustöðvarnar. 8 vikna námskeið, kennt er einu sinni í viku alla mánudaga kl 17.15. Kennsla fer fram í Bústaðakirkju og einnig hægt að taka þátt í gegn um netið. Nánar hér: Lífið í jafnvægi

Einkatímar í hómópatíu, markþjálfun, jógaþerapíu. Tímapantanir: senda tölvupóst á andartak hjá andartak.is. Haustið er góður tími til að endurskoða markmiðin þín og skoða hvað vantar upp á til að finna jafnvægi á huga, líkama og sál.

Vordagskráin í Andartaki miðar að því að styðja okkur í að fagna vorinu og taka á móti gjöfum þess. Við ætlum að hrista af okkur streitu og álag vetrarins og njóta þess að endurnærast.

Námskeiðin sem eru að hefjast:

Lífsorkujóga – vorgleði Mánudaga kl 17.15 í Bústaðakirkju og í gegnum netið. Tökum á móti vorinu með gleði og léttleika að leiðarljósi. Mataræði og nærandi venjur fyrir vorið. Hverju getum við sleppt og hvað getum við fyrirgefið? Nánar hér: Lífsorkujóga og vorgleði

Mildi og mýkt: Mánudaga kl 18.50 í Bústaðakirkju og í gegnum netið. Námskeið með áherslu á að nærast og njóta. Mjúkar teygjur, endurnærandi jóga, djúp slökun og hugleiðsla. Sex vikna námskeið hefst mánudaginn 12. apríl. Mánudaga kl 18.50-20.05. Nánar hér: Mildi og mýkt

Vorverkin á huga, líkama og sál:

Vorið er tími til að fæðast upp á nýtt og njóta þess að sjá lífið vakna í kringum okkur.

Tími til að sá fræjum og skjóta rótum svo við getum nærst í gegnum sumarið og haldið stöðugleika okkar. Þetta er upplagður tími til að hreinsa líkamann og sleppa því sem við þurfum ekki á að halda lengur og koma okkur upp nýjum siðum sem þjóna okkur og næra.

Þó vorið sé kærkomið þá getur verið átak að hrista af sér vetrardoðann og margir eiga erfitt með að taka á móti vorinu af sama krafti og hugurinn myndi óska sér. Það er ekki óalgengt að fólk fái kvef og alls kyns ofnæmiseinkenni á vorin og þunglyndi tekur stundum aukadýfu einmitt á vorin þegar síst varir. Lesa allan pistilinn hér: Vorverkin á huga, líkama og sál

Námskeið sem eru að hefjast: Sjálfsrækt í 40 daga og Vökvaðu draumana þína 2021

Síðastliðið ár er búið að vera erfitt fyrir flest okkar. Það hefur sýnt okkur enn og aftur hvað það er mikilvægt að kunna leiðir til að takast á við streitu og lifa með óvissu og óöryggi. Fyrir marga hefur þetta ár líka verið tækifæri til að læra nýja hluti og gera hlutina á annan hátt en áður. Við höfum sem samfélag breytt aðeins um takt og verið meira heima fyrir. En á sama tíma erum við öll farin að sakna þess að hittast ekki og öll einveran hefur kennt okkur að meta enn meira hvað mannleg nánd er mikils virði. Nú reynir á að velja vel hvernig við viljum stíga inn í framtíðina. 

Við ætlum á þessari vorönn að leggja áherslu á endurnæringu, styrk og mýkt. Mýkt og mildi gagnvart okkur sjálfum og öðrum og styrk til að takast á við álag. Að taka stjórn í eigin lífi, að velja hvernig við tökumst á við það sem lífið sendir okkur. Að velja að hvíla í okkur sjálfum sama hvað á dynur. Námskeiðin okkar miða að því að styðja við þetta allt og gefa færi á að rækta þessa eiginleika í eigin lífi.

Við hefjum jógatímana okkar að nýju í byrjun september. Við erum komin aftur í Bústaðakirkju og verðum að auki með tíma í boði á netinu. 

Skráning er hafin. Dagskráin okkar er full af skemmtilegum tækifærum til að vaxa og njóta. 

Lífsorkujóga – mánudaga og miðvikudaga kl 17.15. Mánudaga í Bústaðakirkju og miðvikudaga á netinu. Fyrsti tíminn verður mánudaginn 7. sept. Nánar hér: Lífsorkujóga

Friðsæll hugur í heimi breytinga – Hugleiðsla og endurnæring fyrir óvissutíma. Miðvikudaga kl 18.50. Tímarnir fara fram á netinu. Nánar hér: Friðsæll hugur í heimi breytinga. Hefst miðvikudaginn 9. sept. 

Mildi og mýkt. Mjúkir tímar með áherslu á að endurnærast og njóta. Mjúkar teygjur, endurnærandi jóga, djúp slökun og Gong, hugleiðsla. Nánar hér: Mildi og mýkt. Hefst mánudaginn 21. september í Bústaðakirkju.

Kennari á öllum námskeiðunum er Guðrún Darshan, jógakennari, hómópati og markþjálfi. Ég legg áherslu á persónulega tíma þar sem við gefum okkur tíma til að skoða jógafræðin og hvernig þau geta nýst okkur í daglegu lífi og gert okkur glaðari og sáttari.

Næring fyrir huga, líkama og sál

Við lifum á óvenjulegum tímum og í breyttum heimi sem skapar óöryggi. Jóganámskeiðin okkar miða að því að styðja okkur í að finna öryggi mitt í öllu umrótinu. Að lifa með öllum þessum breytingum sem við stöndum frammi fyrir. Við leggjum áherslu á að styrkja hæfileikann til að standast álag og finna leiðir til að tengja við uppsprettuna í  friðsældinni sem er þarna innra með okkur þrátt fyrir allt. 

Allir tímarnir okkar fara nú fram á netinu.

Við bjóðum upp á jógatíma mánudaga og miðvikudaga. Allir sem vilja eru velkomnir að taka þátt í tímunum frítt. Frjáls framlög eru vel þegin. Nánari upplýsingar hér: Lífsorka, hamingja og hugleiðsla.

Heilbrigð lungu, friðsæll hugur : 6 vikna námskeið á netinu hefst miðvikudaginn 29. apríl. Miðvikudaga kl 18.50-20.  Áhersla verður lögð á hugleiðslu og endurnærandi öndun. Við gerum orkugefandi öndunaræfingar, léttar jógaæfingar og teygjur til að hreyfa orkuflæðið, förum í djúpa slökun og hugleiðslu. Nánar um námskeiðið hér: Heilbrigð lungu, friðsæll hugur

Góð heilsa byrjar í huganum. Jafnvægi í huga, almenn vellíðan og sátt eru grunnurinn að heilbrigðum líkama. Ef hugurinn er í ójafnvægi þá förum við að borða fyrir hugann. Ef við erum í jafnvægi og hlustum vel á okkur sjálf þá erum við líklegri til að velja meira af því sem styður okkur. Við veljum frekar mataræði og venjur sem næra okkur í heild. Það er ekki alltaf auðvelt að byrja að breyta venjum sínum. En fyrsta skrefið er að koma jafnvægi á hugann og þá fylgir innra umhverfi líkamans. 
Jákvæðar og upplyftandi hugsanir hafa áhrif á öll líkamskerfin. Og neikvæðar og niðurrífandi hugsanir sömuleiðis. Ónæmiskerfið okkar er mjög viðkvæmt fyrir neikvæðni og sjálfsgagnrýni. Rannsóknir hafa sýnt að gleði og hlátur eru hornsteinar að góðu ónæmiskerfi. Innkirtlakerfið og hormónar hafa mikið að segja í sambandi við líðan okkar og andlegt jafnvægi. Og sterkt taugakerfi gerir okkur kleyft að standast álag og áreiti sem eru óhjákvæmilegur hluti af lífinu. 
Þegar við iðkum kundalini jóga erum við að koma jafnvægi á hugann og um leið að virkja samvinnu og samræmi í kerfum líkamans. Sérstök áhersla er á að koma jafnvægi á innkirtlakerfi, taugakerfi og ónæmiskerfi. Mjög verðmæt tækni á tímum sem þessum þegar gott ónæmiskerfi er enn mikilvægara en oft áður.

Og velkomin í jóga á nýju ári!

Lífið er núna og mikilvægt að gefa okkur tíma til að lifa og njóta.

Í jóga fáum við tækifæri til að skoða hvernig við hugsum til okkar sjálfra og hvernig  við getum ræktað með okkur kærleika í eigin garð.

Þeir sem stunda jóga reglulega tala um miklar breytingar á andlegri og líkamlegri líðan, aukna orku, meiri lífsgleði og bættan hæfileika til að slaka á.

Dagskráin á nýju ári er full af skemmtilegum tækifærum til að vaxa og njóta. 

Lífsorka, hamingja og hugleiðsla: Kundalini jóga fyrir innri styrk og jafnvægi í daglegu lífi. Fjölbreyttir tímar í kundalini jóga – jóga upplifunar. Mán og mið kl 17.15. Nánar hér: Lífsorka, hamingja og hugleiðsla

Hugleiðsla og Gong. Nýtt! 6 vikna námskeið með áherslu á hugleiðslu og slökun. Hefst miðvikudaginn 15. janúar. Einu sinni í viku, miðvikudaga kl 18.50. Nánar hér: Hugleiðsla og Gong

Vökvaðu draumana þína 2020. Grasið er alltaf grænna þar sem þú vökvar það. Hvað vilt þú vökva á nýju ári? Nánar hér:  Vökvaðu draumana þína 2020 

Dansandi, litríkur sprengiásetningur

Nýtt ár markar ferskt upphaf fyrir óskir og drauma. Það er líka tilvalin stund til að horfa yfir farinn veg og taka eftir því sem við getum verið þakklát fyrir.

Mér finnst gott að byrja árið á að fara inn á við og skoða hvert ég vil stefna og hvað skiptir mig máli í lífinu. Áramótaheit eiga það til að sitja aðeins of nærri fullkomnunarpúkanum. Stundum hef ég strengt áramótaheit út frá einhverju sem mér fannst vanta, eitthvað sem mér fannst að ég þyrfti að laga. Einhver hluti af mér ákvað að einhver annar hluti af mér væri ófullkominn. Og þyrfti að breytast. Þessi nálgun á sjálfa mig varð yfirleitt til þess að þessi hluti af mér sem átti að breytast fór í uppreisn. Og ekkert breyttist.

Ég ákvað að leggja áramótaheitin til hliðar og velja í staðinn að búa mér til ásetning. Ásetningur er eins og leiðarljós. Vörður sem geta vísað mér veginn í gegnum árið. Minnt mig á hvað það er sem skiptir mig máli. Og gefið mér tilgang.

Lesa allan pistilinn hér

Við í Andartaki bjóðum öllum sem vilja taka þátt að vera með í hugleiðsluáskorun næstu 40 dagana. Við hefjum hugleiðsluna mánudaginn 14. október í tímanum okkar kl 17.15. 

Hugleiðsla fyrir hjartastöðina. Hugleiðslan okkar að þessu sinni er til að styrkja og opna hjartastöðina.

Við gerum hugleiðsluna saman tvisvar í viku. Tímarnir eru mán og fim kl 17.15. Jóga, hugleiðsla og slökun á eftir. Þess á milli hugleiðum við hver heima hjá sér. Við mælum með að koma í tíma og upplifa þann kraft og stuðning sem fylgir því að hugleiða með öðrum. Ef þú kemst ekki í tíma þá er samt velkomið að vera með.

Hægt er að skrá sig til þátttöku hér

Við verðum líka með stuðningshóp fyrir þátttakendur í hugleiðslunni á facebook – hægt er að senda okkur póst og biðja um aðgang í hópinn eða finna hann beint: Fjörutíu daga hugleiðsla í Andartaki. 

Allir velkomnir að vera með, hvort sem þeir eru með reynslu af hugleiðslu eða ekki

Lífsorka, hamingja og hugleiðsla: Mán og fim kl 17.15. Tímarnir eru bæði fyrir vana og óvana iðkendur. Nánar um tímana: Lífsorka, hamingja og hugleiðsla

Það er með mikilli tilhlökkun sem við bjóðum ykkur að koma til okkar á nýjan stað í Dugguvogi 10 (alveg í næsta nágrenni við gamla staðinn okkar.) Þar verðum við í fallegu og blómlegu húsnæði Eden Jóga. Gengið er inn á hlið hússins.

Við byrjum aftur mánudaginn 9. september. Eins og áður verða í boði tvenns konar tímar. Tímar í Kundalini jóga mánudaga og miðvikudaga kl 17.15 (nánar hér: Lífsorka, hamingja og hugleiðsla og Djúpslökun og Gong, miðvikudaga kl 18.50. Nánar hér: Djúpslökun og Gong