Kæru vinir,
Hádegistímar eru í jólafríi út desember
Opnir tímar verða áfram kl. 17.15 á mánu-, miðviku- og föstudögum og þríðjudögum kl. 20.30.
Jólafríið byrjar svo 18.12
Við þökkum ykkur fyrir og endum frábæra jógaönn með ykkur á jógajóalgleði þann 17.12 kl. 17.15:
Við ætlum að hugleiða saman, fara í djúpslökun (Jóga Nidra) og spjalla um hvernig hægt er að bæta meltinguna og njóta jólanna með góðri samvísku.
Te, mandarínur og hollustukökur verða í boði. 🙂
Þátttaka ókeypis – Allir velkomnir
MASTERING THE ADDICTIVE PERSONALITIY
20 nóvember kl 20:30 verður kynning á kennaranáminu ”Að verða meistari fíknihugans”. Carolyn Cowan er á landinu á þessum tíma svo hún mun kynna námið sjálf. Hún er mjög öflugur og áhrifamikill kennari svo vert er að mæta og fá innblástur.
Námið verður síðan haldið haustið 2015. Þetta er 60 klukkustunda nám sem kennt verður í 2 lotum sem standa yfir í 4 daga hvort. Námið skiptist í 4 hluta sem dreifast á 8 daga. Einnig er hægt að koma á einstaka hluta.
Þið getið lesið meira um Að verða meistari fíknihugans
Fyrir nánari upplýsingar er hægt að senda póst á netfangið: gudruntheodora@wp.andartak.is
Vonumst til að sjá sem flesta!
♥
Við erum að byrja á nýrri fjörutíu daga hugleiðslu í Andartaki.
Jóganámskeið fyrir konur – 6 vikur. Hefst mánudaginn 10. nóvember.
Efni námskeiðsins:
•Lífsstíll og mataræði sem styðja okkur í að standa með okkur sjálfum
•Kjarninn minn og leiðir sem hjálpa mér að standa í eigin styrk
•Að skapa minn eigin veruleika í gegnum hugleiðslu og aukið innsæi
•Að upplifa kraftinn sem býr í möntrum til að umbreyta lífi okkar
•Hormónajafnvægi og mánasvæði konunnar
•Talnaspeki jógafræðanna: Hvernig geta tölurnar mínar leiðbeint mér í lífinu?
Meira um námskeiðið hér
Nýtt byrjendanámskeið hefst 13. nóvember
Þriðjudaga og fimmtudaga kl 18.45.
Námskeiðið:
Meira um námskeiðið
Sex vikna námskeið fyrir barnshafandi konur. Tímar verða tvisvar í viku – þriðjudaga og fimmtudaga kl 18.45
Eflandi helgarnámskeið fyrir konur með Carolyn Cowan 22.-23.nov.14
Hvar stöndum við sem konur á 21.öld? Hvernig getum við látið í okkur heyra, gert okkur sýnilegar og byggt upp kraft- og staðfestu innra með okkur – án þess að finna til reiði,án þess að skammast okkar og án þessa að reyna að vera eitthvað annað en við erum í raun og veru? Án þess að reyna að vera eins og karlmenn eða reyna að vera fullkomnar.
Þessa helgi ætlum við að kafa í hlutina, fara í gegnum hindranir og finna okkar eigin leið til að umbreytast og vaxa Við skoðum hvernig við upplifum okkur sjálfar, fortíð okkar og karmískar hindranir, bæði sem einstaklingar og í menningu okkar.
Við styðjumst við tækni og hugleiðslu úr Kundalini jóga til að sjá hvernig við getum frelsað okkur sjálfar, stigið út úr þægindarammanum og séð alla þá valkosti sem í boði eru.
Hver þátttakandi kemur út af námskeiðinu með sína persónlegu umbreytingaráætlun.
Carolyn Cowan hefur kennt kundalini jóga síðan árið 1998. Hún hefur einstakt lag á því að lyfta nemendum sínum á hærra stig og býr yfir miklum persónutöfrum.
Nánar um námskeiðið hér
Hugmyndin um “Meistaramánuð” snýst um að hvetja okkur til að taka höndum saman um að víkka út þægindarammann okkar og setja okkur markmið. Við í Andartaki ákváðum að nota tækifærið og hvetja jógaiðkendur og aðra sem vilja vera með, að koma sér upp daglegri hugleiðsluiðkun í Meistaramánuði. Í jóga tölum við um að það taki 40 daga að koma sér upp nýjum venjum.
Dagleg hugleiðsla gefur okkur aukna einbeitingu, dregur úr streitu og kvíða, bætir ónæmiskerfið og eykur sjálfstraustið. Við förum að sjá betur hvert við stefnum og hvað við viljum í lífinu og öðlumst aukið þol fyrir breytingum og erfiðleikum.
Þeir sem vilja taka þátt í áskoruninni geta sent okkur póst á andartak@wp.andartak.is.
Við gerum hugleiðsluna í opnum tímum sem eru amk einn á dag alla virka daga. Auk þess verður föst hugleiðslustund kl 16.45 alla miðvikudaga. Þess á milli hugleiðir hver heima hjá sér – með stuðning frá hópnum.
Opnir tímar eru á þessum tímum:
Mán, mið og föstud kl 17.15
þrið og fim kl 12
þrið kl 20.30
Vertu meistari huga þíns
6 vikna námskeið, hefst fimmtudaginn 25. september
Kennt verður 1x í viku, á fimmtudögum kl. 20.30-21.30. Enn er hægt að koma inn í námskeiðið.
Á námskeiðinu skoðum við hvernig kundalini jóga og hugleiðsla geta hjálpað okkur að umbreyta gömlum mynstrum innra með okkur, að sleppa því sem þjónar okkur ekki og skapa okkur nýjar og uppbyggjandi venjur. Námskeiðið er jafnt fyrir vana og óvana iðkendur.
Kennarar: Eyrún Huld Árnadóttir og Frederike Berger.
Nánar um námskeiðið hér
Nýtt byrjendanámskeið hefst 11. september
Þriðjudaga og fimmtudaga kl 18.45.
Námskeiðið:
Andartak Sími 896 2396 gudrun@wp.andartak.is