Masterclass – kvöldnámskeið með Dev Suroop Kaur, kundalini jógakennara og möntrusöngkonu.

Mánudaginn 25. apríl kl. 17.15 – 19.15

Á námskeiðinu kennir Dev Suroop Kaur okkur að nota möntrur til að heila okkur og styrkja, og efla kærleika okkar gagnvart okkur sjálfum og náunganum. Einnig verður farið í liðkandi og styrkandi jóga- og öndunaræfingar.

Einkatímar – viltu dýpka upplifun þína í söng á möntrum?

Dev Suroop býður einnig upp á einkatíma. Hún notfærir sér list hljóðsins til að ná fram heilun og umbreytingu.  Hennar sérsvið er að kenna öðrum að nálgast fegurðina og kraftinn sem býr í röddinni.og um meðvituð samskipti. Í öruggu umhverfi og undir leiðsögn lærir þú að kynnast betur þinni eigin röddu, slaka betur á og líða vel með henni. Þú færð aukið sjálfstraust til að leyfa rödd þinni að heyrast.

Nánar um námskeiðið og einkatímana: Renew yourself through sound

Tökum á móti vorinu bjartsýn og létt í hjarta.

Þriðjudaginn 15. mars kl 18-19.

Námið er síðan: 28. apríl – 4. maí.

Jógísk talnaspeki er þekkingarkerfi sem ýtir undir persónulegan þroska, leiðbeinir og heilar okkur.

Það byggir á fornu indversku kerfi, Akar Jantri og var kennt af Yogi Bhajan. Tæknin innifelur líka eiginleika úr klassísku jóga og tæknilegri nálgun vestrænnar hugsunar. Þessa tækni er hægt að nota fyrir fólk, pör, fjölskyldur, fyrirtæki, lönd, dýr og aðrar lifandi verur.

Talnaspekin leitast við að svara þessum spurningum:
Hver er ég?
Hvers vegna er ég hér?
Hvernig get ég breytt / haft áhrif á líf mitt?
Hvað er ég komin-n til þess að gera í þessu lífi?
Hvað þarf ég að læra?
Er þetta rétti tíminn til að gera einhvern ákveðinn hlut?
Og fleira.
Þessi tækni hjálpar þér að skilja og greina lífskortið þitt og annarra.

Kennari er Dharma Kaur frá Equador. Nánar um námið hér: Nám í talnaspeki

Skapandi flæði. Helgarnámskeið 5. – 6. mars
Masterclass kvöld / Kynningartími 4. mars

ATH! 15% afsláttur ef staðfest er fyrir 26. febrúar

Shakti dans er form af dansjóga sem eykur jafnvægi á milli sálar og líkama í gegnum flæðandi jógastöður og dans.

Shakti dans byggir á kundalini jógafræðum Yogi Bahjan og eykur skilning iðkenda á orkunni sem vaknar þegar líkami og sál ná að sleppa takinu og sameinast í núinu.

Námskeiðið er bæði fyrir vana og óvana jógaiðkendur og skemmtileg viðbót fyrir þá sem dansa og eða stunda jóga reglulega 🙂

Nánar um námskeiðið: Shakti dans

“Sýndu skilning í gegnum samkennd – annars misskilur þú tímana sem þú lifir á”
“Understand through compassion or you will misunderstand the times”

Kvöldstund með Nirvair Singh kundalini jógakennara og , framkvæmdastjóra KRI (Kundalini research institute) í YOGA HÚSINU, trönuhrauni 8, Hafnarfirði – miðvikudaginn 10. feb.

Sútrurnar fimm fyrir Vatnsberaöld voru settar fram af Yogi Bhajan sem leiðarljós til þess að lifa eftir á þessum nýju tímum sem við lifum á. Sútra er þráður – hugmynd til að hugleiða á – sem sett er fram í einni stuttri setningu. Sútrur eru auðveldar að leggja á minnið og varðveita djúpan sannleika andlegrar visku á einfaldan hátt.

Nirvair ætlar að fjalla um fjórðu sútruna, “Understand through compassion or you will misunderstand the times.” Tíminn verður bæði spjall og stutt jóga.

NIRVAIR SINGH er frá Alaska. Hann kenndi í 31 ár við “Alaska Anchorage” háskólann, þar sem hann kenndi kundalini jóga. Á meðan hann kenndi þar voru tímarnir hans ár eftir ár vinsælustu tímar skólans meðal nemenda.

FIMM SÚTRUR FYRIR VATNSBERAÖLD:
1. Veittu því athygli að hin manneskjan ert þú.
2. Það er til leið í gegnum allar hindranir.
3. Þegar tíminn krefst þess, byrjaðu og þá léttir á þrýstingnum
4. Sýndu skilning í gegnum samkennd. Annars misskilur þú tímana.
5. Leyfðu alheiminum að tjá sig í þér. Þá greiðir hann þér leið.

Nýtt námskeið – hefst mánudaginn 8. febrúar. 

Við ætlum að fjalla um styrk konunnar sem mannveru og leiðir til að laða fram það besta í okkur sjálfum.

Á þessum árstíma er mikilvægt svo að hlúa vel að sjálfum sér. Þrátt fyrir myrkur og kulda erum við svo rík að eiga ljós og birtu innra með okkur sem er svo mikilvægt að næra. 

Efni námskeiðsins:

•Lífsstíll og mataræði sem styðja okkur í að standa með okkur sjálfum
•Kjarninn minn og leiðir sem hjálpa mér að standa í eigin styrk
•Að skapa minn eigin veruleika í gegnum hugleiðslu og aukið innsæi
•Að upplifa kraftinn sem býr í möntrum til að umbreyta lífi okkar
•Talnaspeki jógafræðanna: Hvernig geta tölurnar mínar leiðbeint mér í lífinu?

Nánar hér: Dansaðu, lifðu, hlæðu, elskaðu – og slakaðu á.

Pistill eftir Guðrúnu Arnalds – Darshan um konur og fyrir konur: Gjöfin að vera kona, dóttir, móðir, amma, Gyðja.

Helgarnámskeið helgina 30.-31. janúar. Hentar bæði vönum og óvönum.

Líkamsgerðin þín og jóga – lærum að lifa í takti við náttúruna og við okkar eigin líkamsgerð. Kundalini jóga og ayurveda – systurvísindi jógafræðanna fléttuð saman í innri upplifun og fræðslu.

Á námskeiðinu ætlum við að fjalla um:

• Heilbrigt mataræði og það hvernig meltingareldurinn tendrar góða heilsu
• Líkamsgerðirnar þrjár – Vata, pitta og kaffa
• Hvernig við getum notað mat, krydd og jurtir fyrir meltinguna og heilbrigt líf
• Hvernig jóga getur hjálpað þér að skapa nýjar venjur sem skapa þér heilbrigði og lífsgæði
• Leiðir til að rækta með þér heilbrigt ónæmiskerfi, öflugt taugakerfi og innkirtlakerfi í gegnum iðkun Kundalini jóga eftir forskrift Yogi Bhajan

Jóga getur stutt okkur í því að velja það sem nærir okkur í stað þess að leyfa huganum að ráða. Regluleg hugleiðsla er frábær leið til að hafa áhrif á venjur okkar.

Ayurveda þýðir “vísindin um verundina”. Þetta eru systurvísindi jógafræðanna sem kenna okkur leiðir til að lifa í takti við náttúruna og okkar eigin líkamsgerð. Við erum ekki öll eins að upplagi og það getur verið mjög gagnlegt að þekkja eigin líkamsgerð og læra hvað það er sem eflir okkar vellíðan og innri styrk.

Nánar um námskeiðið hér: Heilandi viska ayurveda og jóga

Vorönn í Andartaki hefst mánudaginn 11. janúar

Við í þökkum fyrir nærandi samverustundir. Megi nýtt ár færa þér gleði, birtu og frið í hjarta. Og megi allir draumar þínir rætast.Árið 2016 samkvæmt jógískri talnaspeki býður okkur að takast á við ferðalag innra með okkur sem færir okkur frá átökum, óróleika, ótta og áföllum til þess að finna frið í hjarta. Það kallar á okkur að heiðra það fínlega innra með okkur; fágun, næmni og kærleiksríkt umbyrðarlyndi.

BYRJENDANÁMSKEIÐ í kundalini jóga hefst 11. janúar. Nánar hér: Byrjendanámskeið

Spennandi HELGARNÁMSKEIÐ: Jóga, mataræði og lífsstíll verður helgina 29.-31. janúar. Líkamsgerðin þín og jóga – lærum að lifa í takti við náttúruna og við okkar eigin líkamsgerð. Kundalini jóga og ayurveda – systurvísindi jógafræðanna fléttuð saman í innri upplifun og fræðslu. Nánar hér: Jóga, mataræði og lífsstíll

KVÖLDNÁMSKEIÐ: Jóga og rétt líkamsstaða – kvöldstund með Karta Purkh Singh, fimmtudaginn 14. janúar.

Við hvetjum ykkur til að fara í jóga á aðventunni. Það er dásamleg leið til að endurnærast svo við höfum meira að gefa – fjölskyldunni og öllum þeim sem á vegi okkar verða. Ekki veitir af meiri friðsæld í þessum annasama mánuði 🙂 Hádegistímarnir okkar verða út næstu viku og sömuleiðis eftirmiðdagstímarnir okkar og síðasti laugardagstíminn er næsta laugardag. Það er hægt að koma í frían prufutíma hvenær sem er. Hér eru nokkur myndbönd sem við gerðum til að veita innblástur í annríkinu sem stundum fylgir jólunum: Jóla – jóga

“Þekking verður aðeins raunveruleg viska þegar þú upplifir hana af öllu hjarta og allri verund þinni.”  – Yogi Bhajan

Andartak bíður uppá falleg gjafabréf fyrir þá sem vilja gefa jóga í jólagjöf. Það eru ýmis spennandi námskeið í boði eftir áramótin – og svo er hægt að fá mánaðarkort / þriggja mánaða kort og tíu tíma klippikort – svo eitthvað sé nefnt. Einnig erum við með úrval af geisladiskum með fallegri möntrutónlist, jógabókum og jógafatnaði. Fyrir nánari upplýsingar má senda póst á: andartak@wp.andartak.is.

Við minnum á að Andartak er flutt í nýtt húsnæði í Hamraborg 10, 3. hæð.