Ferðalag móðurinnar. Námið hefst 26. september 2014.
Mjög skemmtilegt og spennandi nám. Sjá meira hér
Author Archives: Gudrun Darshan
Ný 40 daga hugleiðsla 8. nóvember í Andartaki
Í opna tímanum föstudaginn 8. nóvember kl. 17.15 ætlum við að byrja nýja 40 daga hugleiðslu, 11 mínútna mjög öfluga hugleiðslu.
Við hvetjum ykkur til að koma og vera með. Það eru allir velkomnir!
Hugleiðsla er tími með okkur sjálfum, til að endurnærast, finna kyrrðina hið innra og hlusta á sálina. Hún kennir okkur að styrkja hlutlausa hugann svo við getum betur valið viðbrögð okkar og haldið í æðruleysið þegar á móti… blæs. Hugleiðsla er eins og að fara í bað, hún hreinsar undirvitundina, beinir athygli okkar inn á við, inn í andartakið og færir okkur frið.
Það tekur 40 daga að skapa nýjan vana. Við erum öll mismunandi upplögð frá degi til dags, suma daga er meira álag en aðra, suma daga erum við sátt við lífið og aðra ekki, en ef við höldum áfram í gegnum allar þessar innri og ytri sveiflur að setjast niður, kyrra hugann og eiga samtal við sálina, þá sköpum við smám saman nýjan vana sem þjónar okkur þegar á reynir og þannig kennum við huganum að þjóna okkur – í stað þess að vera þrælar hans.
“Sá sem sigrar hugann, sigrar heiminn.” Guru Nanak
Sól í hjarta – streitulosun
Nýtt 8 vikna námskeið.
Námskeiðið hófst í síðustu viku – enn er hægt að koma inn í það – örfá pláss laus. Kennt verður mánudaga og miðvikudaga kl 18.45. Hentar bæði vönum og óvönum jógaiðkendum. Það er enn hægt að skrá sig og mæta í tímann á morgun.
Streita er orðið að stóru vandamáli á Vesturlöndum í dag. Við lærum mjög takmarkað í skóla í listinni að slaka á og endurnæra líkamann. Á tímum eins og þessum er blátt áfram nauðsynlegt að tileinka sér leiðir til að takast á við álag og erfiðleika. Kundalini jóga býður upp á virkar leiðir til að höndla streitu og hefja sig upp yfir annríki hversdagsins.
Lesa meira um námskeiðið hér
Spennandi heilsdagsnámskeið
Komdu jafnvægi á Shakti og Bhakti, kven- og karlorkuna í þér og í lífi þínu. Kyrrð og hreyfing, orka og auðmýkt, að gefa og taka – allt eru þetta andstæðir kraftar í okkur sjálfum og í umhverfi okkar.
Í gegnum hugleiðslu, Kundalini jóga og Bhangra dans er leitast við að koma jafnvægi á andstæðurnar innra með okkur í átt að hlutlausu rými hjartans þar sem samkennd ríkir. Komdu með okkur í spennandi ferðalag, þar sem við byggjum upp orkuna innra með okkur svo við eigum auðveldara með að takast á við kröfur nútímans og náum að lifa ánægjuríkara lífi í takti við okkar sanna sjálf.
Lesa meira um námskeiðið hér
Að höndla lífið á öld upplýsinganna
Lesið, lesið, lesið: Nýr pistill á bloggið hennar Guðrúnar Darshan á Smartlandi. Þið getið kíkt á það hér.
Opnir tímar
Alla virka daga:
Mánudaga, miðvikudaga og föstudaga kl. 17.15.
Þriðjudaga og fimmtudaga kl. 12.
Fjölbreyttir tímar með áherslu á að styrkja og endurnæra líkamann og lyfta andanum. Fókus á að styrkja og dýpka öndunina og auka styrk á naflasvæðinu svo við höfum aukinn innri styrk og jafnvægi til að takast á við daglegt líf. Hugleiðsla og slökun í lok hvers tíma.
“If you ever want to be right in your life, bring yourself into balance. The joy of life, the happiness of life, is in balance.” –Yogi Bhajan
Lífið í jafnvægi – nýtt námskeið
Ferðalagið um orkustöðvarnar er skemmtilegt en krefjandi ferðalag þar sem að staldrað er við hverja orkustöð og unnið með æfingar og hugleiðslur sem stuðla að auknu jafnvægi og meiri styrk.
Mannslíkaminn er eins og 72 strengja hljóðfæri og eftir hverjum streng streymir lífsorkan (eða alheimsorkan) niður eftir hryggsúlunni. Á því ferðalagi safnast lífsorkan saman í polla sem nefnast orkustöðvar (chakras).
Námskeiðið er 8 vikur. Verð 16.000 kr. Lesa um námskeiðið hér
Sadhana – morguniðkun jóga á sunnudaginn
Á sunnudagsmorguninn (29. september) verður SADHANA – morguniðkun jóga í Andartaki. Sadhana er þrátt fyrir að byrja á frekar “ókristilegum” tíma á okkar venjulega mælikvarða – eða kl hálfsex að morgni – alveg dásamlega endurnærandi upplifun. Það er líka hægt að mæta í hluta af sadhana – td er hægt að koma kl 6 í jóga eða kl 7 í hugleiðsluna. Og það er sömuleiðis hægt að leggjast niður og slaka á ef þið verðið þreytt. Við hvetjum sem flesta til að nýta sér þessa samverustund í jóga og hugleiðslu. Sjá meira um sadhana hér
Bloggið hennar Guðrúnar
Guðrún Darshan er nú farin að blogga á Smartlandi undir dálkinum næring og heilsa. Þar mun hún blogga um sín hjartans mál sem tengjast jóga og heilsu. Guðrún er hómópati og jógakennari og býr yfir gríðarlega miklum og áhugaverðum fróðleik. Það verður því gaman að fylgjast með skrifum hennar. Fyrsta bloggfærslan ber yfirskriftina kundalini jóga gegn streitu og álagi. Bloggið má sjá hér.
Byrjendanámskeið og hugleiðslunámskeið
Byrjendanámskeið var að byrja og enn hægt að koma inn í það. Kennt er mánudaga og miðvikudaga kl. 18.45.
Hugleiðslunámskeiðið “Vertu meistari huga þíns” er einnig rétt að hefjast og enn hægt að bætast í hópinn. Kennt er miðvikudaga kl. 20.15.
Hlökkum til að sjá ykkur.
Allir velkomnir!